«Little Free Library»

• 0
• Оқылған саны: 6564

Буккроссинг – «өзің оқысаң, өзгеге табыс ет» қағидасына негізделген хобби мен адам және кітап арасын жақындататын, кітап оқуға шақыратын қоғамдық қозғалыстардың бірі. 

«Әлемді үлкен кітапханаға айналдыру!» ұранымен Буккроссинг акциясы кітапханамызда 2012 жылы басталды. Кітапханада ұйымдастырған BOOKCROSSING сөрелері қаладағы  Шаңырақ, Traveler's Coffee,  Глобал кофе кафелерінде және бистро Fusion орналастырдық.  Біздің көмегімен  Шахмардан Есенов атындағы университетінде де Буккроссинг көрмесі  2016 жылы ашылды, Сыбайлас жемқорлыққа қарсы күрес Департаментінде 2019 жылы, Балалар ауруханасында 2020 жылы екі сөре ашылып, әрі қарай жұмысын жалғастырды. Кітаптардын өзін орналастыруымен бірге Жарнама ретінде кітапханалық бетбелгілерді (книжная закладка) шығарылды.

Кітапханамыздың тұрақты оқырмандары және кітапхана шараларына белсене қатысушылар, «Шам дамушы орта» атты оқырмандар клубының мүшелері де буккроссинг шараларды қызықты форматта жиі ұйымдастырып тұрады.

2025 жылдың  қаңтар-шілде айларында Қ. Сыдиықов атындағы Маңғыстау облыстық әмбебап кітапханасында орналасқан  Буккроссинг сөрелері қала тұрғындарының кітапханаға сыйға тапсырған кітаптарынан 5 рет толықтырылды. 

Буккроссинг қозғалысына белсене қатысуға шақырамыз!

Кітаппен - жарқын болашаққа!