Маңғыстау креатив алаңында

• 0
• Оқылған саны: 3876

   2025 жылғы желтоқсан айында Маңғыстау креатив алаңында ұйымдастырылған іс-шаралар мазмұны мен бағыты жағынан жан-жақты болып, мәдени-ағартушылық, әдеби-танымдық, тәрбиелік, әлеуметтік және білім беру бағыттарын толық қамтыды. Ай көлемінде өткізілген іс-шаралар әртүрлі жас санатындағы қатысушыларды қамтып, жастардың, ата-аналардың, кітапхана қызметкерлерінің және қоғам белсенділерінің белсенді қатысуымен өтті

   Өткізілген шаралар жастарға патриоттық тәрбие беру, ұлттық рухани құндылықтарды дәріптеу, тілдік және интеллектуалдық қабілеттерді дамыту, салауатты өмір салтын насихаттау, отбасылық және әлеуметтік мәселелерді талқылау мақсатында жоғары деңгейде ұйымдастырылды. Атап айтқанда, Абай Құнанбайұлының шығармаларын талқылауға арналған әдеби кездесулер, ағылшын тіліндегі Speaking Club, тарихи-танымдық лекциялар, интеллектуалдық ойындар мен кәсіби семинарлар қатысушылар тарапынан үлкен қызығушылыққа ие болды.

   Сонымен қатар, өткізілген тренингтер мен семинарлар қатысушылардың кәсіби біліктілігін арттыруға, өзекті тақырыптар бойынша тәжірибе алмасуға және білім көкжиегін кеңейтуге ықпал етті. Іс-шаралардың ұйымдастырылуы мен өткізілу сапасы жоғары деңгейде бағаланып, қатысушылардан оң пікірлер алынды.

Жалпы алғанда, желтоқсан айындағы іс-шаралар Маңғыстау креатив алаңының қоғам үшін маңызды мәдени-білім беру орталығы ретіндегі рөлін айқындап, алдағы уақытта да осындай мазмұнды әрі пайдалы іс-шараларды тұрақты түрде жалғастыру қажеттігін көрсетті.